महाशिवरात्री निमित्त जेजूरीत लाखांवर भाविकांची गर्दी

महाशिवरात्री निमित्त जेजूरीत लाखांवर भाविकांची गर्दी

सदानंदाच्या जायघोष करीत घेतले त्रिलोकीचे दर्शन

प्रतिनिधी

जेजुरी ,दि. २६  महाराष्ट्राचे कुलदैवत असलेल्या जेजुरीच्या खंडोबा (मल्हार) गडावरील त्रेलोकीचे शिवलिंग महाशिवरात्रीनिमित्त  बुधवारी पहाटेच्या सुमारास भाविकांना देवदर्शनासाठी खुले करण्यात आले. पहाटेपासूनच भाविकांनी दर्शन रांगा लावून मोठ्या उत्साही वातावरणात आणि भंडार खोबऱ्याच्या उधळनीत सदानंदाचा जयघोष करीत सुमारे लाखांवर भाविकांनी तीनही लोकांचे दर्शन घेतले.
भंडारा खोबऱ्याची उधळन, सदानंदाचा येळकोट, हर -हर महादेव च्या गजराने मल्हारगड दुमदुमून गेला होता.

दक्षिण ची काशी म्हणून संबोधल्या जाणाऱ्या जेजुरीच्या खडेरायाच्या जत्रा -यात्रा उत्सवांमध्ये महाशिवरात्री उत्सवाला विशेष महत्व आहे महाशिवरात्रीचा प्रारंभ होताच मध्यरात्री १२ च्या सुमारास मुख्य मंदिराच्या कळसातील म्हणजेच स्वर्गलोकीचे शिवलिंग, तसेच मुख्य मंदिरामध्ये असलेले भूगर्भातील पाताळलोकीचे शिवलिंग आणि मंदिरामध्ये असलेले भूलोकीचे शिवलिंग खुले केले जाते. यातील मुख्यकळसातील शिवलिंग व भूगर्भातील शिवलिंग फक्त महाशिवरात्री दिवशीच खुली केली जातात वर्षभर ती बंद असतात.

दर वर्षीप्रमाणे भाविक भक्तांसाठी श्री खंडोबा मंदिरात आज पहाटे महाशिवरात्री पूजेचे सोनवणे, वासकर, महाजन आदी मानकऱ्यांच्या हस्ते पुजारी सेवेकरी, विश्वस्त मंडळ व ग्रामस्थ यांचे उपस्थितीमध्ये महापूजा करण्यात आली. यानंतर त्रिलोक दर्शन पहाटे तीन वाजल्यापासून सुरू करण्यात आले असून भाविकांनी दर्शन घेण्यासाठी मोठ्या प्रमाणात गर्दी केलेली आहे.

यावेळी देव संस्थानचे प्रमुख विश्वस्त अभिजीत देवकाते, ॲड. विश्वास पानसे, ॲड. पांडुरंग थोरवे, डॉ. राजेंद्र खेडेकर, मंगेश घोणे आदी विश्वस्त उपस्थित होते.

भाविक भक्तांसाठी सकाळी पासूनच खिचडी प्रसादाचे वाटप सुरू करण्यात आले आहे. संपूर्ण दिवसभर खिचडी वाटप सुरु होते. उन्हाळा असल्याने देव संस्थानकडून सावली, आणि पिण्याच्या पाण्याची सोय करण्यात आली होती.
दहावी बारावी च्या परीक्षा असल्याने भाविकांची गर्दी कमीच होती. जेजुरी पोलिसठाण्याचे सपोनि दिपक वाकचौरे यांनी ८५ कर्मचाऱ्यांसह चोख बंदोबस्त ठेवला होताव. दर्शनाचे नियोजन केल्यामुळे भाविकांना त्रिलोक दर्शन सुलभ झाल्याने भाविकांकडून समाधान व्यक्त करण्यात आले. मार्तंड देव संस्थान कडून संपूर्ण गडकोटाला आकर्षक विद्युत रोषनाई कारण्यात आलीव होती.
महाशिवरात्रीचा पुण्यकाळ, आणि उद्या दि. २७ रोजी स्थानिकांसाठी संपूर दिवसभर त्रिलोक दर्शन सुरूच राहणार आहे. जेजुरी पंचक्रोशीतील लवथळेश्वर मंदिर, जुन्या जेजुरीतील बल्लाळेश्वर मंदिर, साकुर्डे येथील रामेश्वर, शंकरेश्वर मंदिर, नाझरे येथील नागेश्वर, तर पांडेश्वर येथील पांडवेश्वर मंदिर आदी ठिकाणी भाविकांनी मोठीं गर्दी केली होती. महा शिवरात्री निमित्त भाविक ठीक ठिकाणी शंभू महादेवाचे दर्शन घेऊन शिवरात्रीचे पुण्य पदरात पाडीत होते.

सोबत फोटो पाठवला आहे.