जेजुरी गावची दहीहंडी फोडली ठाण्याच्या महिला पथकाने… ( सेलिब्रिटींची उपास्थिती )

जेजुरी, दि ११ जेजुरी गाव दहीहंडी उत्सव मंडळाच्या वतीने भव्य दहीहंडी उत्सवाचे आयोजन करण्यात आले होते. ठाणे येथील शिवतेज महिला पथकाने हि दहीहंडी फोडली. या कार्यक्रमात जेजुरी शहरात उल्लेखनीय कार्य करणाऱ्या संघटना व मान्यवर व्यक्तींना पुरस्कार देवून गौरविण्यात आले.तर सिनेकलावंतांच्या उपस्थतीत हजारो गोपालभक्तांनी दहीहंडीचा जल्लोष साजरा केला.

जेजुरी शहरातील पालखी मैदानावर जेजुरी गाव दहीहंडी उत्सव मंडळाच्या वतीने या उत्सवाचे आयोजन करण्यात आले होते.पुरंदर हवेलीचे आमदार संजय जगताप यांच्या हस्ते या दहीहंडी सोहळ्याचे उद्घाटन करण्यात आले. यावेळी महाराष्ट्र कॉंग्रेस कार्यकारिणीचे गणेश जगताप, जेजुरी नगरपालिकेच्या माजी नगराध्यक्षा सौ. विना सोनवणे, माजी उपनगराध्यक्ष गणेश निकुडे, सासवड चे माजी नगरसेवक वामनतात्या जगताप, जेजुरीचे शहर काँग्रेस अध्यक्ष सचिन सोनवणे, माजी नगरसेवक ,महेश दरेकर, सौ. रुक्मिणी जगताप , शहर युवक अध्यक्ष ईश्वर दरेकर, आदींसह मराठी सिनेक्षेत्रातील निर्माते महेश पटेल, अभिनेते संतोष जुवेकर, सैराट फेम आकाश ठोसर, तेजस्वीनी पंडित दहीहंडी उत्सवात मोठी रंगत आणली होती.
याच बरोबर जेजुरी शहरात श्री खंडोबा देवाच्या पालखी सोहळ्याचे नियोजन करणाऱ्या श्री खंडोबा पालखी सोहळा खांदेकरी मानकरी समस्त ग्रामस्थ मंडळ, जेजुरी शहराची ग्रामदैवत जानाई देवी पालखी सोहळ्यात भाविकांची सेवा करणारे श्री जानाई देवी अन्नछत्र मंडळ, जानाई भक्त नागूमाळी सेवा ट्रस्ट , तसेच जानाई मंदिराचे जीर्णोधार करणारे श्री जानाई देवी जीर्नोधार मंडळ जेजुरी या संघटनांना समाजरत्न पुरस्कार देण्यात आला तसेच जेजुरी उद्योजक संघाचे कार्याध्यक्ष रविंद्र जोशी, उपाध्यक्ष पांडुरंग सोनवणे,गणेश दरेकर यांना उद्योगरत्न पुरस्कार , प्रसिद्ध तबलावादक अमोल बेलसरे, सेक्सोफोन वादक प्रथमेश मोरे यांना कलारत्न पुरस्कार , व स्पर्धा परीक्षेचे प्रशिक्षक उमेश कुदळे यांना जेजुरी भूषण पुरस्काराने आमदार संजय जगताप यांच्या हस्ते गौरविण्यात आले.

जेजुरी गाव दहीहंडी मंडळाचे संस्थापक हेमंत सोनवणे,पदाधिकारी ईश्वर दरेकर,पंकज निकुडे,शाम दरेकर,रोहित सातभाई,प्रवीण जगताप,राहुल दोडके,अनिल वीरकर,योगेश खुडे आदींनी या सोहळ्याचे नियोजन केले,

Leave a Reply

Your email address will not be published. Required fields are marked *

You cannot copy content of this page