भ्रष्टाचार मुक्त महाराष्ट्रासाठी सर्वांनी पुढे यावे. – पो. नि. प्रसाद लोणारे

भ्रष्टाचार मुक्त महाराष्ट्रासाठी सर्वांनी पुढे यावे. – पो. नि. प्रसाद लोणारे

जेजुरी,( प्रतिनिधी )कोणत्याही शासकीय कामांसाठी लाच देणे व घेणे कायद्याने गुन्हा आहे, भ्रष्टाचारमुक्त महाराष्ट्रासाठी सर्वांनी पुढे यावे, असे आवाहन पुणे लाचलुचपत प्रतिबंधक विभागाचे पोलिस निरीक्षक प्रसाद लोणारे यांनी येथे केले.

महाराष्ट्र राज्य लाचलुचपत प्रतिबंधक विभागाच्या वतीने भ्रष्टाचार मुक्त महाराष्ट्र या अभियाना अंतर्गत जेजुरी येथील उद्योजक संघाच्या सभागृहात जनजागृती उपक्रमाचे आयोजन करण्यात आले होते. यावेळी या विभगचे पोलीस निरीक्षक प्रसाद लोणारे बोलत होते.

प्रसाद लोणारे म्हणाले, पुणे लाचलुचपत प्रतिबंधक विभागाचे पोलिस अधीक्षक शिरीष सरदेशपांडे यांच्या मार्गदर्शनाखाली पुणे जिल्ह्यातील सर्व तालुक्यांमध्ये विविध जनजागृती उपक्रम होत आहेत. कोणत्याही शासकीय कामासाठी आपण लाच देणे बंद करावे व संबंधित गैरप्रकार घडत असेल तर त्याबाबत तत्काळ आमच्या विभागात माहिती द्यावी. ग्राहक पंचायत कार्यकर्त्यांनी देखील अधिकाधिक नागरिकांना जागृत करावे, असे आवाहन लोणारे यांनी केले.

या जनजागृती कार्यक्रमा नंतर जेजुरी नगरपरिषद, तलाठी कार्यालय, मंडल अधिकारी कार्यालय तसेच पोलिस ठाण्यात जाऊन जनजागृती विषयक पत्रके भिंतीवर चिकटवण्या आली. तसेच जेजुरी आठवडे बाजार मध्ये ही नागरिकांना याबाबत जनजागृती करण्यात आली. त्यासाठी कार्यकर्त्यांनी उत्स्फूर्तपणे सहभाग नोंदवला.

यावेळी लाचलुचपत विभागाचे भूषण ठाकूर जेजुरी उद्योजक संघाचे व्यवस्थापक जालिंदर कुंभार,परिसरातील नागरिक ,पत्रकार उपस्थित होते.

Leave a Reply

Your email address will not be published. Required fields are marked *

You cannot copy content of this page