खा. सुप्रिया सुळे यांनी नाझरे धरणावर कऱ्हानदीचे केले जलपूजन कार्यकर्त्यांनी भंडारा उधळून निसर्गाचे मानले आभार

जेजुरी दि १३ महाराष्ट्राचे कुलदैवत असणाऱ्या जेजुरीच्या खंडोबा देवाच्या नगरीतील कऱ्हा नदीवर असणारे नाझरे धरण दोन वर्षानंतर पूर्ण क्षमतेने भरले आहे. खासदार सुप्रिया सुळे यांनी नाझरे धरणावर जावून कऱ्हानदीचे विधीपूर्वक जलपूजन केले. धरण भरल्याने त्यांनी समाधान व्यक्त केले. यावेळी कार्यकर्त्यांनी भंडारा उधळून निसर्गाचे आभार व्यक्त केले.
खासदार सुप्रिया सुळे यांनी अतिवृष्टी मुळे झालेल्या नुकसानीची पाहणी करण्यासाठी सोमवार दि १२ रोजी पुरंदर तालुक्याचा दौरा केला. सायंकाळी चार वाजता खासदार सुप्रिया सुळे नाझरे धरणावर पोहचल्या . याठिकाणी विधीपूर्वक कऱ्हा नदीचे जलपूजन केले. भंडारा उधळून निसर्गाचे आभार व्यक्त केले.

यावेळी माजी आमदार अशोक टेकवडे,जेष्ठ नेते संभाजी झेंडे,पुरंदर तालुका राष्ट्रवादी कॉंग्रेसचे अध्यक्ष माणिकराव झेंडे पाटील,माजी जिल्हा परिषदेचे सदस्य विराज काकडे, पुणे जिल्हा राष्ट्रवादी कॉंग्रेसचे सरचिटणीस जयदीप बारभाई, कात्रज दुध संघाचे संचालक तानाजी जगताप,माजी नगरसेवक मेहबूब पानसरे, मोठ्या संख्यने कार्यकर्ते तसेच पाटबंधारे विभागाचे उपभियांता राजेंद्र भावसार,जेजुरी शाखा प्रमुख अनिल घोडके,गोरख गायकवाड, विश्वास पवार,रुपाली मुळे ,मोहन कांबळे उपस्थित होते.