गोपाळ मोहरकर व सरोज मोहरकर यांना राज्यस्तरीय पुरस्कार.
जेजुरी,
जेजुरी नगरपरिषद मध्ये स्वच्छता व आरोग्य विषयक उत्कृष्ट कार्य केल्या बद्दल गोपाळ तानाजी मोहोरकर व सरोज गोपाळ मोहोरकर या दाम्पत्याला कै दिनकरराव सावंत स्मृती प्रतिष्ठानच्या वतीने राज्य स्तरीय आरोग्यसेवा पुरस्काराने गौरविण्यात आले.
सावंत प्रतिष्ठानच्या वतीने सलग २५ वर्षे समाजात विविध क्षेत्रात उल्लेखनीय कार्य करणाऱ्या व्यक्तींना राज्यस्तरीय पुरस्कार देवून गौरविण्यात येते. तसेच गुणवंत विद्यार्थ्यांचा सन्मान शालेय साहित्यांचे वाटप,पालखी सोहळ्यात अन्नदान,विविध शाळांना पिण्याच्या पाण्याच्या टाक्या,स्मशान भूमीला गेट अशी विधायक कामे प्रतिष्ठानच्या वतीने राबविण्यात आली आहेत.
गोपाळ मोहोरकर व सरोज मोहोरकर यांच्या यशस्वी इंटर प्रायझेस च्या माध्यमातून जेजुरी नगरपरिषदेत आरोग्य व स्वच्छतेचा ठेका असून, भारत सरकारच्या स्वच्छ सर्व्हेक्षण स्पर्धेत देशात सहावा,महाराष्ट्रात पाचवा तर पश्चिम विभागात प्रथम क्रमांक मिळाला असून यात मोहोरकर दाम्पत्याचे व कर्मचाऱ्यांचे योगदान आहे. या कार्याबद्दल सावंत प्रतिष्ठानच्या वतीने या दाम्पत्याला सोपानकाका मंदिर ट्रस्टचे अध्यक्ष हभप नारायण महाराज गोसावी यांच्या हस्ते राज्यस्तरीय पुरस्कार देवून गौरविण्यात आले.
यावेळी माजी नगरसेवक हेमंत सोनवणे,माजी नगराध्यक्षा साधना दीडभाई ,जेजुरी शिवसेनेचे विठ्ठल सोनवणे, इरफान बागवान,रघुनाथ वाहुळ,भाजपाच्या अलका शिंदे,उद्योजक प्रशांत लाखे,प्रतिष्ठानचे अध्यक्ष संजय सावंत,संतोष सावंत,शाहीर सगनभाऊ मंचाचे दशरथ लाखे आदी मान्यवर उपस्थित होते.
संत गाडगे बाबा यांचे शिष्य राष्ट्रीय संत स्वर्गीय काशिनाथ महाराज मोहोरकर यांचा स्वच्छतेचा वारसा गोपाळ मोहोरकर यांनी जपला आहे खडतर सेवा करून जेजुरी शहर स्वच्छ ठेवून नागरिकांच्या आरोग्याची सेवा त्यांनी केली आहे. यात्रा जत्रा चे गाव असणाऱ्या जेजुरी कर नागरिक व भाविकांचे सेवा करून जेजुरी पालिकेचे नाव देश पातळीवर पोहचवण्याचा कामात मोहोरकर दाम्पत्यानी हातभार लावला आहे याची पावती म्हणूनच या पुरस्काराचे ते मानकरी ठरले आहेत असे गौरुद्गर हभप नारायण महाराज गोसावी यांनी यावेळी व्यक्त केले.
कार्यक्रमाचे नियोजन भानुदास दावलकर,प्रशांत कुदळे,देविदास मोहरकर,रफीक शेख यांनी तर सूत्रसंचालन नितीन राऊत यांनी केले.
