राष्ट्रवादी युवक काँग्रेस कडून गणेशोत्सव सजावट स्पर्धा सहभागी होण्याचे गणेश मंडळांना आवाहन

जेजुरी,दि.३ बारामती लोकसभा मतदार संघाच्या खा. सुप्रियाताई सुळे यांच्या मार्गदर्शनाखाली जिल्हा परिषद व नगरपालिका गट निहाय युवक राष्ट्रवादी काँग्रेस कडून गणेशोत्सव सजावट स्पर्धांचे आयोजन करण्यात आल्याची माहिती बारामती लोकसभा मतदार संघ राष्ट्रवादी युवक काँग्रेसचे अध्यक्ष अजिंक्य टेकवडे यांनी दिली.
१ सप्टेंबर ते ४ सप्टेंबर या कालावधीत घेतल्या जाणाऱ्या या स्पर्धांत भाग घेणाऱ्या गणेश मंडळ स्पर्धकांनी आपल्या गणेश सजावटीचे ३० सेकंदाचे चित्रीकरण, तीन फोटो, जाहिरातीतील QR कोड द्वारे scan करून दिलेल्या लिंक वर पाठवायचे आहेत. विशेष म्हणजे देखावा सामाजिक, काल्पनिक, पारंपारिक व पर्यावरण पूरक असणे गरजेचे आहे. आवश्यकतेनुसार परीक्षक ही संपर्क साधून भेट देणार आहेत. स्पर्धेचा निकाल व बक्षीस वितरण एकाच दिवशी होणार आहे.
विजेत्यांना १११११ रुपये प्रथम, ७७७७ रुपये द्वीतीय आणि ५५५५ त्रितीय क्रमांकाची बक्षिसे ठेवण्यात आली आहेत. दोन सासवड आणि जेजुरी नगरपालिका, आणि जिल्हा परिषद गट निहाय एकूण १८ बक्षिसे दिली जाणार असून संपर्कासाठी ७४४७४६८१४५/४६/४७/४८/४९/५० या नंबर वर संपर्क साधण्याचे आवाहन ही अजिंक्य टेकवडे यांनी केले आहे.